Vikunámskeið og maturinn,,,

Það er búið að vera strembin en skemmtileg síðasta vikan,, svo strembin var hún að ég er rétt svo að geta talað um hana núna, ég var staddur á Straumann tannplantaþingi sem Dr. Bjarni Pjetursson sá um og komu þar afar merkir fyrirlesara saman og kenndu okkur aulunum fagið, ég tel mig hafa lært mikið af þessu og er þessu fólki þakklátur,  Það sem var merkilegra við þetta allt saman var matarveislan sem svona þing eru, öll hádegi var borðað á VOX, þar flippaði maður út á valkostunum eins og Megas segir,, ég borðaði sushi, hráskinku, steinbít og saltfist í hvert mál, um kvöldin var yfirleitt eitthvað að gera líka, við fórum á Eyrabakka á Rauða Húsið í humarveislu, humarinn var of látlaus, ég vil hafa mikið bragð af svona fiski og hafa hann lítið eldaðan, það var samt hin mesta veisla og hvítvínsdrykkjan tók toll daginn eftir.  Við fórum líka í Bláa lónið og borðuðum þar hádegismat einn daginn, fengum alltof salta súpu, hreinlega gerð úr bláa lóninu held ég, og svo saltfisk, ég var þunnur þennan dag líka eftir Brúðkaup Sifjar og Arnars.  Súpunni fylgdi svo saltfiskur eins og hann verður bestur, stór stykki og seig.  Við borðuðum líka á Hótel Geysi en það hlaðborð var mikil vonbrigði og verð ég að segja að verri mat hef ég sjaldan fengið.  En toppurinn var bleikjan á Nesjavöllum, held þetta hafi verið þingvalla bleikja af einhverri tegund og hún var algerlega geðveik.  Ég hef verið að hlusta á Sigurrós undanfarið og þessi plata er góð, ég finn mig samt meira vera að hlusta á Ólaf Arnalds enn og aftur.

Það er að koma sumarfrí og þá ætlum við Vestur með vinum okkar frá Bretlandi.  Læt í mér heyra.

 

Daði

Athugasemdir

[Eva og Rebekka (IP-tala skráð) 24.7.2008 kl. 12:12]

Rebekka talaði um ótrúlega góðan urriða með rósmarín heldur hún .. til í að fá uppskrift af honum ..??

[Daði Hrafnkelsson, 24.7.2008 kl. 13:03]

já ég man ekki alveg hvernig hún var,, eflaust bara rósmarín í kviðinn á henni með salt og pipar og smá hvítlauk,,, já og olíu,,, steikt vel á hvorri hlið,,,

[Eva og Rebekka (IP-tala skráð) 24.7.2008 kl. 13:39]

gradsí!!