Dagur 4

Erfið nótt í Breiðavík að baki, Mía veik.  Þegar ég vaknaði um morguninn eftir slitróttan svefn mátti sjá alveg jafn svefnvana ferðalanga og mig, ég býst við því að Mía hafi haldið öllu tjaldstæðinu í gíslingu.  Það tók okkur langan tíma að vakna og koma öllu saman, Við Herborg ákváðum að fara með barnið til læknis á Patró og þangað var stefnan tekin. við komum samt  við í Gjögri á safninu og á hvítum sandinum við flugvöllinn gengt Patró. Þetta safn er skemmtilegt, en skemmtilegast er Antonov vélin sem brotlenti þarna. VIð komum líka að sjálfsögðu við á öllum eyðibýlum sem við finnum.  Eitt þeirra fór þó sérstaklega í taugarnar á mér þar sem einhver heilaleysingjinn hefur ritað textann við Bahama Veðurguðanna á einn vegginn, og þá hata ég meira krabbamein. Fjallasýnin frá þessum stöðum er algerlega ógleymanleg.  Læknirinn kallaður út til að tjá okkur að allt sé í lagi, líklega lítil vírussýking og engin þörf á að slútta ferðalaginu.  Eftir að hafa verslað á Patró var stefnan tekin á Selárdal, með viðkomu á Tálknafirði.  RED sýndi okkur þar æskuslóðirnar, hún er Tíu.  Það er fallegt á öllum þessum stöðum, en fátæklegt einhvernvegin, það er ekkert til í búðunum, það eru fáir á ferli og svo framvegis, en fallegt.  Með stutta viðkomu á Bíldudal settum við Sígaunann í geymslu við kirkjuna, (ef guð sér ekki um að honum verður ekki stolið gerir það enginn) Það er skemmtilegur akstur út í Selárdal,helsta áhugaefnið er að komast í Uppsali og sjá listaverk Samúels, síðast þegar ég kom þarna var allt í niðurníðslu, nú er búið að gera þetta upp að miklu leyti, líklega það eina góða til að koma frá Þýskalandi ever.  Mér fannst áhrifamikið að koma að uppsölum, Ábúandinn átti svo merkilega sögu.  Ég hitti þarna konu sem þekkti eitthvað til hans, hún tjáði mér að hann hafi verið lagður í svo mikið einelti að hann hafi orðið fráhverfur fólki, auk þess hafi hann ákveðið í þrjósku sinni að fara aldrei að heiman því honum hafi verið hafnað að konu á Tálknafirði,en úr Selárdal er ekki löng ganga í Tálknafjörð yfir fjallið, hann talaði þýsku að einhverju leyti af gömlum dagblöðum, vissi ekki að seinna stríði væri lokið og hélt að allt væri framleitt á Bíldudal.  Ég veit ekkert hvað af þessu er satt, en ég þarf að sjá þessa þætti og viðtöl sem gerð voru við Gísla til að mynda mér skoðun á honum. Við borðuðum Rabbabara og samlokur áður en við héldum aftur til Bíldudals.  Þegar hér er komið við sögu er langt liðið á daginn og við vorum að vesenast með hvar ætti að sofa, við vissum að það væri ókeypis tjaldstæði við Dynjanda og keyrðum af stað, við staðnæmdumst síðan við botn Dynjandisheiði og tjölduðum út í móa. Annar frábær næturstaður.  Maturinn þetta kvöldið var enn ein grænmetisogávaxtakássan að mig minnir, með grilluðu hvítlauksbrauði og bjór fyrir þá sem vilja.  Með stíl í rassinn var vonin sett á að Mía myndi sofa gegnum nóttina.

 

Daði. 

Athugasemdir

[skari (IP-tala skráð) 16.8.2008 kl. 08:47]

Kveðja frá Hornafirði, sjáumst svo fljótlega!!

[Hanna (IP-tala skráð) 16.8.2008 kl. 10:43]

ég er samt yngri en þú þarna ... 18 barna faðir í álfheimum.. hlakka sérstaklega mikið til að purra andlitið á míu litlu!! og heyra af ástarmálum þeirra 10 ára!!

[Ragga frænka á Höfn (IP-tala skráð) 16.8.2008 kl. 19:38]

Sæll frændi, ég verð nú að segja það að ég hef verulegar áhyggjur af mataræðinu hjá þér þessa dagana..... Grænmetiskássur og pólókex, hvað er að gerast með þig? Samlokur og rabbabari......Ég get reyndar gefið þér uppskrift að hrikalega góðu rabbabarapæi Og svo get ég sagt þér það að ég er búin að gera bláberjasultu úr berjum frá Jórvík...Týndi þau síðustu helgi...Vona að Mía litla verði fljót að hrista af sér þessa víruspest!!! Og gaman að heyra að allt gengur vel...Kær kveðja Ragga frænka

[Daði Hrafnkelsson (IP-tala skráð) 17.8.2008 kl. 14:00]

Sendu mér þessa uppskrift endilega,, og það er fátt betra en ristað brauð með hnetusmjöri og bláberjasultu, sérstaklega ef berin eru Breiðdælsk,,,, Daði