Norður afrískur kjúklingur með Mandarínum,,,,

 

Dagurinn í dag var ágætur,, rigning sem gerir mig þunglyndan og færir mér höfuðverk með vasa.  Vinnan var fín,, auðveldur dagur í rauninni,, engar stórar framkvæmdir í gangi í dag, þannig vil ég líka hafa föstudagana,,, Rebekka er að koma og svona,, þannig að ég var bara að vinna til eitt,,, já ég veit það er erfitt að vera tannlæknir,,  

 

Sif og Arnar voru að koma frá Morocco,, meðferðis var dýrindis krydd,, það er basinn í kvöldmatnum,,,  ég er ekki viss um að þetta sé endilega samt Moroccóskur matur ,, þetta er eiginlega bara eitthvað samsull sem ég bý til eftir að hafa verið með skrýtinn áhuga á norður afrískri matargerð lengi,,, ég hef talað um þetta áður en það er eitthvað comfort í svona matargerð,,,

Innihald:

1 stk heill kjúklingur skorinn niður í óreglulega bita með beini og skinni. (  það er best að fylgja engum  reglum um hvernig á að skera niður kjöt, þannig verður það skemmtilegra að borða og það er fáránlegt að skilja frá bein og skinn)

Nokkrar kartöflur skornar í misjafna bita líka

Einn rauðlaukur skorinn smátt

einn hvítlaukur hafður í rifjunum nema eitt rifið er skorið smátt

5 stk ferskar gráfíkjur heilar 

slatti döðlur 

fimm mandarínur bátarnir heilir og börkurinn af tveimur rifinn niður

einn chili með fræjum og öllu

sellerí 

þumlungshluti af smátt skornu engifer

kanilstöng

saltogpipar

arabískar nætur (pottagaldrar)

moroccokryddið sem kryddsalinn sagði þeim að væri gott í tagínur sem það og er en ég veit ekki hvað þetta er svo,,,, 

turmerik

múskat (nutmeg)

olía til steikinga núna notaði ég vínberjasteinaolíu sem er fín og holl

 

Í botninn á Tagínunni fer  olía og öll þessi krydd sem og chiliið og smátt skorni hvítlaukurinn þegar hún er orðin vel heit set ég kjúklinginn útí og steiki vel á öllum hliðum þar til hann er orðinn gullinn, já og kartöflurnar á sama tíma, þetta læt ég sullast á lágum hita í svona hálftíma, þá bæti ég grænmetinu smátt smátt saman við og sýð þetta í algera drullu. mandarínurnar þó síðastar og látnar sjóða bara svona síðustu 5 mínúturnar  Þetta er síðan borðað með dýrindis tómatbrauði úr hagkaup og í þetta sinn rauðvíni,, þó er bjór mitt uppáhald með svona mat en vínið klikkaði ekki við vorum með JJ Bordaux vín frá 2005 þurrt og milt,,, 

 

Sif og Arnar voru að venju skemmtileg