Dagur 5

Mía á afmæli, það er komið ár síðan Herborg fæddi mér þessa stelpu, ótrúlegt en satt.  Við erum ákaflega stolt af henni þó svo að hún hafi verið óþolandi undanfarnar nætur,, en ekki í nótt.  Það er fyndið hvað fólk leggur mismikla áherslu og merkingu í svona daga, Afmæli Míu var Herborgu mikið hugarefni.  Hún sat og hugsaði tilbaka, hvað hafði gerst, hvernig hún er búin að umbreyta lífi okkar og svo framvegis, líklega er þetta meira stress fyrir hana en mig, ég hafði átt Rebekku svo lengi áður en ég og Herborg kynnumst.  Mía er allavega eins árs í dag. 

 

Eftir að öllu hafði verið pakkað og sæmilega rólega nótt í Trostansfirði var haldið yfir heiðina, efst á heiðinni sáum við íshelli sem við skoðuðum og það var ganga sem tók aðeins á, Þetta var ekki sá altraustasti hellir sem ég hef komið í en ég lét mig þó hafa það að skoða hann aðeins, það var mikil bráð í gangi og allt frekar óhugnanlegt.  hinummegin var svo sjálfur Dynjandi sem er einn alfallegasti foss Íslands.  Við eyddum góðum degi þarna og Mía fékk sína fyrstu afmælisveislu í góða veðrinu undir fossinum, og svo gengum við alla leið, Rebekka á heiðurinn af flestum myndunum af fossinum.  Enn og aftur urðu fossaþyrstir útlendingar ánægðir.  Við héldum síðan áfram og komum við á Hrafnseyfi á safni Jóns Sigurðssonar sem er afar fínt safn og fengum einkaleiðsögn um safnið og miklar söguskýringar um ábúendur á þessu bóli og bardaga þeirra.  Mér finnst það ótrúlegt hvað Víkingarnir ferðuðst mikið um vestfirðina og hve saga þeirra er lifandi þarna. Á einhverri heiðinni eru merkingar um hluti sem gerðust í Gísla sögu Súrsonar og það er magnað að vera á staðnum þar sem hlutirnir gerðust.   Daginn enduðum við svo á Þingeyri.  Þingeyri er fagurt þorp finnst mér og þeir þingeyringar eiga heiður skilinn fyrir góða þjónustu á tjaldstæðinu, ódýrari gistingu er varla hægt að fá með þvottavél og þurrkara.  Við skoðuðum Þingeyri ekki mikið því það er að síga á seinni hlutann á þessu ferðalagi og ég var farinn að óttast að ekki næðist allt sem við ætluðum að gera.  Þingeyri bíður betri tíma.  Ég hafði þó tíma til að skoða Hákarlahjallana þeirra.  Lifi hárkarlinn. Daði

 

Athugasemdir

[Herborg (IP-tala skráð) 19.8.2008 kl. 09:32]

Sæll elskan....Já, I did it ! Er reyndar enn að bíða eftir gjöf mér til heiðurs fyrir þrekvirkið....sem virðingarvott fyrir það sem ég gaf þér ;) Mamman á alltaf að fá pakka;)

[Hanna (IP-tala skráð) 19.8.2008 kl. 10:21]

ohhh Mía bara orðin eins árs..krem hana fljótlega