Smálúðuplokkfiskur með rúgbrauði.,,,

Það er laugardagur,,, í gær var ég í jólahlaðborði á Lækjarbrekku með samstarfsfólki mínu,, við kvöddum góðan vin hana Huldu sem var að hætta að vinna með okkur því miður.  Maturinn var skítsæmilegur,, mér fannst forréttirnir góðir, heitreykt gæsabringa, grafið lamb og svo framvegis, en aðalrétturinn var léleg afsökun, það er ótrúlegt hvað veitingastaðir halda að þeir komist langt með því að hafa góða purusteik, hræódýrt en gott,, ég hefði gjarnan viljað eitthvað aðeins erfiðara, kalkúnn eða önd hefði bjargað deginum fyrir þá, því góð sósa og brúnaðar kartöflur klikka aldrei,,, meira að segja rauðkálið var úr dós.  Þeir fá algera falleinkunn hjá mér og get engan veginn mælt með þeim því miður,,,   Í dag er Rebekka hjá mér og við erum að baka, ég er reyndar ekki mikill bakari, það er Herborg hins vegar og hún er að leikstýra þessu, við Mía bíðum eftir að smakka, Þar sem þessar smákökur eiga uppruna sinn til Austurríkis hefur Rebekka ákveðið að þær heiti Hitlersstjörnur,,,, fallegt,,,,  Við tókum daginn snemma og versluðum nokkrar jólagjafir,, ég geri mín jólagjafakaup öll í 12 tónum að vanda.  Keypti slatta af íslenskri tónlist sem ég ætla að gefa vinum mínum og vandamönnum.

 

Smálúða.  

Ég ætlaði að hafa þennan mat í gær, ég kryddaði smálúðuflök með rósmarín, hvítlauk, fennel, sítrónuberki salti, pipar og olíu og setti í böggul af álpappír með smátt skornum rauðlauk oná, sítrónusafa sellerí og paprika smátt skorið líka oná fiskinn.  bögglinum lokað og bakað í hálftíma við 180 gráður.  Málið var að þetta var síðan ekki borðað,, allir voru eitthvað saddir þrátt fyrir að maturinn væri góður.  ég ætla því að gera plokkfisk úr þessu í kvöld.

 

Plokkari.

 

Stór laukur skorinn smátt og mýktur í 100 gr af smjöri.  þrjár matskeiðar af hveiti stráð samanvið og hrært stöðugt, mjólk eftir þörfum bætt hægt útí þar til kominn er fínn jafningur.  Fisk og velsoðnum kartöflum blandað saman við og hrært í mjúka fiskidrullu.  Saltað og piprað að smekk.

 

Þessi plokkari var sá besti sem ég hef fengið hingað til.  

 

 

 

Ég vil nota þetta tækifæri til að kveðja mesta töffara íslands. 

Það væri gaman að hafa þó ekki nema nokkur prósent af karlmennsku hans og töffaraskap,, svons svoldið eins og Johnny Cash okkar íslendinga.    Megi hann hvíla í rokki og róli.

 PS verð að mæla enn einu sinni með nýju Mogwai plötunni, the hawk is howling,,,

Daði